Свадбата е голем настан во животот на секоја жена. Славните понекогаш го доживуваат и по неколку пати, но и за нив тоа е специјална прилика во која сакаат да се покажат во најдобро светло.
Погледнете како изгледале Ева Лонгорија, Џенифер Лопез, Викторија Бекам, Кристина Агилера, Меган Фокс и уште неколку други славни дами на свадбениот ден.
Ева Лонгорија
Анхел Санчез го дизајнираше фантастичниот фустан на Лонгорија кој достигна цена од 75.000 долари. На 6 јули 2007 година Ева и Тони склучија граѓански брак, а на 7 јули се венчаа во црква во Париз.
Ева поднесе документи за развод на 17 ноември 2010.
Кејти Холмс
Кејти Холмс изгледаше прекрасно кога на 18 ноември 2006 година му рече „Да“ на Том Круз.
Кејти носеше невестински фустан изработен од Џорџо Армани. „Кејти сакаше едноставен, елегантен фустан“ – изјавил Армани, кој за неа дизајнира и елеганта тоалета со боја на праска за свадбената прослава.
Викторија Бекам
Бекамови стапија во брак на 4 јули 1999 година во Ирска. Викторија носеше венчаница од кралицата на невестинските фустани, Вера Ванг.
Кетрин Зета-Џонс
Кетрин Зета-Џонс стапи во брак со Мајкл Даглас на 18 ноември 2000 година во Њујорк. Невестинскиот фустан беше дело на Кристијан Лакроа.
Кристина Агилера
Кристина Агилера се омажи со Џордан Братман на 19 ноември 2005 година во Калифорнија. Познатата пејачка носеше венчаница од Кристијан Лакроа.
Агилера поднесе документи за развод на 14 октомври 2010 година.
Гвен Стефани
Гвен Стефани и Гевин Росдејл се венчаа на 14 септември 2002 година во Лондон. Русокосата музичка ѕвезда носеше венчаница од талентираниот Џон Галијано.
Меган Фокс
Меган стана невеста на интимна церемонија на Хаваи на 24 јуни 2010 година. Фокс боса газеше по плажата, облечена во фустан на Армани, додека Брајан Остин Грин ја чекаше за да ја крунисаат нивната љубов, во присуство на неговиот син Касиус.
Дита Вон Тис
Дита отсекогаш имала посебен стил на облекување, па никој не очекуваше на нејзината свадба да носи вообичаено бела венчаница. Таа му кажа „Да“ на Мерлин Менсон на 20 ноември 2005 година, облечена во виолетова креација на Вивиен Вествуд.
Џенифер Лопез
Џеј Ло по вторпат го изговори судбоносното „Да“ пред Крис Џад на 29 септември 2001 година. Крис Џад е танчер кој беше ангажиран од познатата пејачка за спотот за песната „Love Don't Cost a Thing“.
Нивниот брак заврши во јуни 2002 година.
Хилари Даф
Хилари, која во моментов го очекува раѓањето на своето прво дете, стапи во брак со Мајк Комри на 14 август 2010 година.
Харизматичната актерка носеше фустан на Вера Ванг.
Никол Ричи
Облечена во раскошна венчаница на Маркеза, Никол Ричи се омажи за Џоел Меден на 11 декември 2010 година.
