Надополнето:
Менаџерката на Бред Пит ја потврди веста. „Да, потврдено е. Тоа е ветување за иднината и нивните деца се многу среќни. Засега нема одреден датум за свадбата“ – изјавила таа за People.
Дали Бред Пит конечно ѝ го постави големото прашање на Анџелина Џоли? Роберт Прокоп, кој соработуваше со Џоли за нејзината колекција накит „The Style of Jolie“, вели дека одговорот е ДА.
„Можам да потврдам, да, Роберт Прокоп навистина дизајнираше свршенички прстен за Анџелина Џоли, дизајниран во соработка со Бред Пит“ – изјавил претставник на Роберт.
Анџелина, Бред и Пакс (Џоли носи голем дијамантски прстен на левата рака)
„Бред имаше специфична визија за овој прстен, којашто ја реализира во текот на едногодишна соработка со Роберт. Тој сакаше прстенот да биде совршен од секој аспект“ – се вели во изјавата на познатиот дизајнер на накит.
Роберт успеал да пронајде дијамант со најфин квалитет и да го исече во големина која одговара на раката на Џоли.
Прстенот беше фотографиран на раката на Анџелина додека таа со Бред и нивниот син Пакс посетувале музеј во Лос Анџелес на 11 април.
