Беати Принсло го прослави својот прв Ден на мајката со малата ќеркичка и саканиот Адам Левин. 28-годишниот ангел на Victoria’s Secret и 38-годишниот фронтмен на Maroon 5 беа фотографирани од папараците на прошетка со слатката Дасти Роуз.
На фотографиите, славниот пејач ја носи ќеркичката в раце, а згодниот модел чекори покрај нив, додека се упатуваат кон нивниот автомобил.
Славниот пар за првпат се појави во јавност со ќерката на церемонија во Холивуд, кога Левин ја прими својата ѕвезда на Патеката на славните.
Фронтменот на Maroon 5 и популарниот модел ја започнаа својата врска во мај 2012 година, а две години подоцна ја крунисаа својата љубов со брак. Нивната ќерка се роди во септември минатата година.
