Филип Кузмановски уште еднаш докажа дека не е само врвен спортист, туку и личност која ја цени својата верна публика.
Македонскиот ракометар не остана рамнодушен на транспарентот на момче и девојче во публиката во Битола и им возврати за љубовта и поддршката со тоа што им го подари својот дрес.
На пораката пишуваше: „Филип Кузмановски многу те сакам, може ли дресот“. Без двоумење, успешниот Битолчанец им го подари својот дрес, симбол на неговиот труд и успех на теренот, што е највредниот знак на почит кој може да им го даде на оние кои го следат и го поддржуваат.
Дечињата несомнено со радост ќе се сеќаваат на овој момент целиот живот.
За жал, Еурофарм Пелистер не успеа да извојува победа на натпреварот против ПСЖ.
