Синди Крафорд е една од најубавите жени на светот, но ни таа не е имуна на критиките на социјалните мрежи. 50-годишниот поранешен супермодел сними фотосесија за „New Beauty“ и зборуваше за стареењето и негативните коментари кои се испраќани на нејзина адреса преку социјалните мрежи.
На фотографиите, славната Американка шармира во нежни бела и сина креација.
„Нема потреба секоја личност на Instagram да ми посочува дека не изгледам исто како што изгледав кога имав 20 години. Го знам тоа. Понекогаш кога си во окото на јавноста, може да биде тешко. Тоа е моментот кога треба да поработиш на себеси“ – изјавила Крафорд.
„Што и да направам, нема да изгледам како кога имав 20 или 30 години. Јас само сакам да изгледам одлично на 50. Вежбам, се хранам здраво и ја негувам мојата кожа. Има притисок врз жените да го направат невозможното – да не стареат“ – додала таа.
