Силвестер Сталоне и Џенифер Флавин се разведуваат. Парот беше во брак 25 години.
Според информации од странските медиуми, 54-годишниот поранешен модел поднесе документи за развод од 76-годишниот актер изминатиот петок.
Гласините за нивниот развод започнаа минатиот месец, кога Флавин сподели фотографија со трите ќерки и во описот напиша: „Овие девојки ми се приоритет. Ништо друго не е важно. Само ние четири засекогаш“.
Пред неколку дена, Сталоне ја покри тетоважата од Џенифер која ја имаше на неговото рамо и на нејзино место постави тетоважа од неговото куче Буткус.
Сталоне и Флавин стапија во брак во 1997 година. Тие се родители на 25-годишната Софија, 24-годишната Систин и 20-годишната Скарлет.
