Селин Дион со емоции се сеќава на својот сопруг Рене Анжелил, кој го изгуби во 2016 година поради рак.
На 30-годишнината од нивниот брак, 56-годишната пејачка објави фотографија од нивната свадба, заедно со порака:
„Ти сè уште ни ги исполнуваш срцата, секој ден. Ти ни си сè. Премногу ни недостигаш. Среќна 30-годишнина љубов моја“ – напиша Дион и ги додаде имињата на нивните тројца синови, Рене-Чарлс, Еди и Нелсон.
Рене и Селин се запознаа на аудиција во 1980 година, кога таа имаше 12, а тој 38 години. Од тој момент, Рене ја зеде под своја закрила и стана нејзин менаџер.
Тие работеа заедно неколку години, а за првпат започнаа љубовна врска кога Селин имаше 19 години. Најпрво, ја криеле нивната романса од јавноста, но потоа се верија и се венчаа во 1994 година.
По смртта на Рене, Селин им се посвети на нивните синови. За жал, неколку години подоцна таа започна да чувствува чудни симптоми, кои доведоа до нејзината дијагноза на синдром на вкочанета личност, со кој ќе се бори до крајот на животот.
