Гоца Тржан секогаш отворено зборува за огромната љубов која ја имаат со сопругот Раша Новаковиќ.
50-годишната српска пејачка гостуваше на ТВ „Hype“ каде се отвори за својот живот, за првиот брак од кој ја има ќерката Лена, како и за среќата која ја пронашла со Раша.
„Мажот кој ќе се впушти во врска со постара жена која има дете е повеќе од храбар маж. Зошто? Затоа што во тој брак не го носиш само детето, туку го носиш и поранешниот сопруг, поранешната свекрва и поранешната фамилија, а јас, како Гоца Тржан, не го донесов само тоа, туку донесов и медиумски будалштини“.
„Тој човек очигледно толку многу ме сака и толку ми е посветен и толку заслужува да му ги измијам нозете кога ќе си дојде дома. Не му ги мијам нозете, но му ги масирам стапалата понекогаш кога ќе видам дека е уморен. Никогаш не си дошол дома, а да не го пречекам јас без разлика колку е часот. Дури и ако заспијам и слушнам дека е касно и дека дошол, ќе станам за да го прашам дали е уморен или гладен“ – рекла Гоца.
@hypetelevizija SADA I OVDE | Goca Trzan o svom suprugu Rasi... Specijalno izdanje PodCasta @snekidakic je na nasem kanalu #hypetv ♬ original sound - HYPE TV
Познатата музичарка била мета на многу предрасуди, а и самата ги имала, пред да започне врска со 14 години помлад маж.
„Кога ми рече дека се заљуби во мене, му реков: ‘Ајде бе мали, ова прво им го кажуваш на сите, а второ јас сум разведена и имам дете од 4 години’. Тој ми рече: ‘И? Не разбирам во што е проблемот’“.
„Ако подлегнев на предрасудите на околината, па дури и на своите, јас ќе ги изгубев најубавите 13 години во животот и најголемата љубов. Најдобро изгледам откако сум со него, најубаво се чувствувам откако сум со него. Утре да ми рече дека е готово, јас би му рекла: ‘Фала ти љубов на овие години. Не можам да ти објаснам колку ми значеа’“ – рекла Гоца.
Таа не крие дека со Раша со години се обидувале да имаат дете, но неуспешно.
Парот стапи во брак на 20 септември 2015 година.
