Деновиве, фотографиите на кои Ванеса Хаџенс ја напушта болницата со своето прво дете го обиколија светот.
35-годишната актерка не остана рамнодушна на однесувањето на папараците, кои како што вели таа им го уништија тој специјален момент.
На фотографиите, медицинска сестра ја турка Ванеса во количка од болницата до автомобилот додека таа го држи во раце новороденото бебенце. Покрај нив оди нејзиниот сопруг Кол Такер.
„Разочарани сме што нашата семејна приватност во овој специјален момент не беше почитувана и беше искористена поради алчноста на камерите со долги објективи кои ги хранат медиумите. Покрај сето тоа, мама, тато и бебето се среќни и здрави“ – напиша Хаџенс по пристигнувањето дома со бебето.
Ванеса и Кол се запознаа за време на КОВИД пандемијата во 2021 година, а стапија во брак во декември 2023 година. Хаџенс објави дека е бремена на 10 март оваа година, појавувајќи се на Оскарите во тесен црн фустан.
