Миранда Кер и Еван Спигел се заколнаа на вечна љубов. Парот се венча во дворот на својата куќа во Брентвуд, Лос Анџелес.
На интимната церемонија присуствувале околу 40 гости, а засега нема „протечено“ ниту една свадбена фотографија.
34-годишниот модел и 26-годишниот основач на Snapchat ја започнаа својата врска пред две години, а објавија дека се верија во јули минатата година.
„Тој има 25 години, но се однесува како да има 50. Не излегува да се забавува. Ние повеќе сакаме да остануваме дома, да вечераме и да си легнеме рано. Но на некој начин, тој се однесува и како млад маж. Ви кажувам, го имам најдоброто од двата светови“ – изјави неодамна Кер во интервју за „The Edit“.
Ова е втор брак за Кер, која претходно беше во брак со Орландо Блум. Миранда и Орландо заедно имаат едно дете – шестгодишниот син Флин.
„Јас и мојот поранешен сопруг одлучивме дека треба да ја знаеме личноста шест месеци пред да ја запознаеме со Флин. Еван се запозна со Флин и нештата се одлични. Орландо смета дека Еван е супер. Ние сме модерно семејство сега“ – вели Миранда.
