Жизел Бундшен е бремена.
44-годишниот супермодел го очекува првото дете со Хоаким Валенте, со кого започна да се состанува месеци по разводот од Том Брејди. Ова е трето дете на Жизел.
Извор близок до парот ја потврдил оваа вест за странските медиуми, истакнувајќи дека Бундшен е во шестиот или седмиот месец од бременоста.
„Жизел и Хоаким се среќни за ова ново животно поглавје и со нетрпение очекуваат да создадат мирна средина полна со љубов за целото семејство“ – рекол изворот.
Жизел беше фотографирана пред околу една недела и си го криеше стомакот со широка блуза и голема чанта.
Убавата манекенка започна да се состанува со инструкторот по џиу-џицу во јуни 2023 година.
Таа се разведе од Брејди во октомври 2022 година по 13 години брачен живот. Тие заедно имаат две деца, Бенџамин и Вивиан, а Брејди има и син од претходна врска.
