По месеци шпекулирање, Европската радиодифузна унија потврди дека Мадона ќе биде специјална гостинка на Евровизија 2019 во Израел.
Во Тел Авив, 60-годишната музичка ѕвезда најверојатно ќе настапи со две песни, од кои едната ќе биде од нејзините стари хитови, а другата ќе биде нејзина нова песна. За своето учество во најголемото европско музичко шоу, Мадона ќе заработи 1 милион долари од бизнисменот Силван Адамс.
Според информациите, славната пејачка ќе има со себе придружба од 160 лица.
Тоа ќе биде нејзин четврти настап во Израел.
Евровизија ќе се одржува следниот месец од 14 до 18 мај. Меѓу водителите ќе биде и израелскиот супермодел Бар Рафаели.
