Кристина Ричи беше почестена со 2.803-тата ѕвезда на холивудската Патека на славните.
45-годишната актерка од „Семејството Адамс“ и „Каспер“ го прими големото признание покрај своето семејство и пријателите. Нејзините две деца, синчето Фреди и ќеркичката Клеопатра, имаа ретко појавување на црвениот тепих. Заедно со нив беше и нејзиниот втор сопруг Марк Хемптон.
3-годишното девојче весело си играше додека Кристина ја примаше својата ѕвезда.
Кристина го има синот Фреди од бракот со првиот сопруг Џејмс Хирдеген со кого се раздели во јули 2020 година. Таа јавно сподели дека била жртва на семејно насилство, особено за време на пандемијата. Актерката откри дека за време на карантинот „се нашла заробена во иста куќа со насилник“ и побара забрана за приближување за Хирдеген. Таа достави и фотографии од модринките нанесени од него.
Кристина доби целосно старателство над синот. Со Марк стапи во брак во октомври 2021 година и заедно ја имаат ќеркичката Клеопатра.
