Ликот на Пија Алонзо Вуртсбах ќе го краси „Мадам Тисо“ во Хонгконг.
29-годишната Филипинка, која победи на „Мис Универзум 2015“, доби своја восочна фигура во познатиот музеј. Статуата носи идентична креација на онаа која Пија ја носеше кога ѝ ја предаде круната на својата наследничка.
Тешко е да се препознае која е која.
Видео
Блескавиот фустан во мастило-сина боја, со кој таа го одушеви светот, беше дело на Мајкл Синко.
Познатиот филипински моден дизајнер сега беше ангажиран од музејот за да ја пресоздаде впечатливата креација за восочната фигура со ликот на Пија. Потребни беа 200 часа за рачно да се изработи фустанот. Синко објави видео од процесот.
Изборот на „Мис Универзум 2015“ ќе остане запаметен по киксот на водителот Стив Харви, кога тој прогласи погрешна победничка, за потоа да ја исправи грешката и да ја прогласи Пија за Мис Универзум.
