Ким Кардашијан беше на официјална средба со Доналд Трамп во Белата куќа. 37-годишната реалити ѕвезда и 71-годишниот претседател на САД разговараа за реформите во затворскиот систем.
На состанокот, сопругата на Кание Вест побара помилување на Алис Џонсон, 63-годишна баба на која ѝ била досудена доживотна казна затвор.
Џонсон била приведена во 1996 година поради трговија со дрога и перење пари, откако 15-те нејзини соучесници сведочеле против неа и со тоа успеале да се извлечат од затворска казна, иако таа тврди дека имала само мала улога во нелегалните активности.
„Би сакала да му се заблагодарам на Претседателот Трамп за издвоеното време попладнево. Се надеваме дека Претседателот ќе ја помилува г-ѓа Алис Мари Џонсон која служи доживотна казна затвор за ненасилно кривично дело поврзано со дрога“ – напиша Ким на Twitter.
„Оптимистични сме за иднината на г-ѓа Џонсон и се надеваме дека таа, и уште многу како неа, ќе добијат втора шанса за живот“ – дополни таа.
I would like to thank President Trump for his time this afternoon. It is our hope that the President will grant clemency to Ms. Alice Marie Johnson who is serving a life sentence for a first-time, non-violent drug offense.
— Kim Kardashian West (@KimKardashian) May 31, 2018
We are optimistic about Ms. Johnson’s future and hopeful that she —and so many like her—will get a second chance at life.
— Kim Kardashian West (@KimKardashian) May 31, 2018
„Одлична средба со Ким Кардашијан денес, зборувавме за реформи во затворскиот систем и затворските казни“ – стои во твитот на Претседателот Трамп.
Great meeting with @KimKardashian today, talked about prison reform and sentencing. pic.twitter.com/uOy4UJ41JF
— Donald J. Trump (@realDonaldTrump) May 30, 2018
Средбата на Кардашијан и Трамп наиде на бројни критики. „Зошто оваа жена е поканета да дискутира значајни теми, кога е позната само по секс видео и покажувањето на нејзиниот задник во секоја прилика“, „Според мене ова навистина го сумира сето она што е погрешно со денешното општество“, „Америка достигна ново дно“ – се само дел од негативните коментари на интернет корисниците кои не се согласуваат ѕвезда од реално шоу да добива толку голема улога.
Ким беше придружувана од својата адвокатка Британи Барнет. „Денес е нејзиниот роденден, па нема поубав подарок од слобода на нејзиниот роденден“ – изјави Барнет за осудената Алис.
За средбата, Ким носеше црн костум и жолти обувки.
Кардашијан и адвокатката потоа се упатија во домот на Иванка Трамп.
