Кејли Куоко го прифати предлогот за брак на Том Пелфри.
38-годишната ѕвезда од „The Big Bang Theory“ објави дека се вери со 42-годишниот актер и сподели фотографии од дијамантскиот прстен за чие создавање тој соработувал со Шахла Карими.
„Неверојатен викенд“ – напиша таа.
Кејли сподели и слатки фотографии од семејна фотосесија со нивната ќеркичка, која се роди во март 2023 година
„Ви ја претставуваме Матилда Кармин Ричи Пелфри, новата светлина во нашите животи. Пресреќни сме и благодарни за ова мало чудо. Томи Пелфри не мислев дека можам да се заљубам уште повеќе во тебе, но се заљубив“ – напиша Кејли објавувајќи ја веста дека стана мајка.
Кејли и Том за првпат во јавност се појавија како пар во мај 2022 година. Неколку месеци подоцна, тие открија дека очекуваат бебенце.
