Урсула Корберо сними колоритна фотосесија која ќе биде дел од февруарското издание на „Harper’s Bazaar“ Шпанија.
32-годишната актерка, која се прослави со улогата на Токио во серијата „La Casa De Papel“, позираше за познатото списание и сними интервју.
Атрактивната Шпанка носи колоритни креации од брендови како Версаче и Каролина Ерера за едиторијалот зад кој стои фотографот Хавиер Биоска.
На прашањето „Како ја дефинираш љубовта“, таа одговори: „За мене љубовта е најважна во животот. За мене, љубовта е моторот во животот. И мислам на сите можни љубови - пријателска, семејна, романтична. Без љубов, не знам... Здравје, љубов и понатаму сè што доаѓа“ – изјави таа.
