Првиот американски идол, Кели Кларксон, синоќа се врати на сцената на шоуто во кое победи во 2002 година и ги расплака сите присутни, вклучително и себеси. Кит Урбан плачеше како дете, додека Џенифер Лопез со насолзени очи го следеше емотивниот настап.
33-годишната Кларксон, која е во 9. месец од бременоста со второто дете, низ солзи ја изведе песната „Piece by Piece“ во последната сезона на шоуто American Idol. Синглот е дело на Кларксон, а е посветен на нејзината 20-месечна ќерка Ривер Роуз.
Песната ѝ носи на Кларксон толку многу емоции поради тоа што во неа се мешаат нејзиното минато и нејзината сегашност – напуштањето од страна на нејзиниот татко кога била малечка, како залудно го молела да ја сака, но и како нејзиниот сопруг успеал да ги собере парчињата кои татко ѝ ги оставил зад себе и да ги спои со својата љубов.
„Мојот сопруг пристигна во мојот живот како целосна спротивност на мојот татко. Тој е присутен“ – изјавила Кларксон по објавувањето на песната.
Видео од настапот
Кели Кларксон со ќеркичката Ривер
