Еминем е прогласен за крал на хип-хопот

Познатото списание Rolling Stone го прогласи Еминем за најуспешен рапер. Во борбата за моќната титула Еминем ги остави зад себе Џеј-Зи и Кание Вест, кои заработуваат повеќе од познатиот Slim Shady.

За да ја донесат конечната одлука, уредниците на списанието зеле во предвид податоци за продажби на албумите, рангирањето на песните на музичките топ листи, заработката од концерти, бројот на добиени награди и популарноста на друштвените мрежи од 2009 година досега.

Темелното истражување покажало дека Еминем продал 7,5 милиони примероци од двата албума „Relapse“ и „Recovery“, а го освоил и првото место според популарноста на друштвените мрежи со скоро 5 милиони следбеници на Twitter и 45 милиони фанови на Facebook.