Дамијано од Måneskin и Дав Камерон си разменуваа нежности на црвениот тепих во Париз

Дамијано Давид и Дав Камерон беа дел од славните гости на галата „BoF 500“ во Париз.

На настанот посветен на луѓето кои ја обликуваат модната индустрија, 25-годишниот италијански пејач и 28-годишната пејачка изгледаа модерно и вљубено. Тие си разменуваа нежности, а видео во коешто се смеат стана вирално на социјалните мрежи.

@gala.fr #dovecameron #damianodavid #couplegoal #maneskin #bof500 #bof500gala #tiktokfashion ♬ Die For You - The Weeknd

Дав носеше црвена креација од пролетната колекција на Ричард Квин.

Претходно, парот ја проследи ревијата на модниот бренд Balmain во рамките на Париската модна недела.

Дамијано и Дав ја потврдија врската во ноември минатата година откако се појавија папараци фотографии на кои тие се бакнуваа на плажа.

Пејачот од Måneskin раскина со поранешната девојка Џорџија Солери во јуни 2023 година откако се распространи видео во кое страсно се бакнува со друга девојка.