Гоца Тржан во мини фустан се бакнуваше со саканиот на забавата за јубилејниот 50-ти роденден

Гоца Тржан имаше за што да слави. Познатата српска пејачка го прослави својот јубилеен 50-ти роденден со забава со најблиските.

Музичката ѕвезда изгледаше атрактивно во црн мини фустан и танцуваше на песната „Don't Stop Me Now“ од легендарните Queen, пред да ги дувне свеќичките на тортата.

Тржан доби бакнеж од 36-годишниот сопруг Раша и сподели неколку фотографии од овие впечатливи моменти.

„Конечно да ги сумирам впечатоците тука: Отсега новинарите ќе ги почнуваат текстовите за мене вака: Гоца Тржан која влезе во шестата деценија. Но какви беа овие први 50 години од мојот живот!!! Исто како забава во понеделник: интензивна, среќна, емотивна, возбудлива, разиграна, љубовна, исцрпувачка, незаборавна!!! Ме прашаа зошто ја криев забавата. Не, забавата не беше за ПР во весниците и медиумите, забавата беше за вас, моето семејство, бидејќи за мене семејство се пријателите, соработниците и колегите, кумовите и роднините, сите се СЕМЕЈСТВО. Ова е уште еден начин да се каже БЛАГОДАРАМ и ВЕ САКАМ. Ви благодарам за најдобрата забава досега! И за најдобрите први 50 години од животот“ – напиша таа.