Бијонсе усреќи до солзи девојка која боледува од неизлечив рак. Тејлон имала огромна желба да танцува со Бијонсе, а Фондацијата „Make-A-Wish“ се погрижила нејзината желба да биде исполнета.
12-годишната девојка била поканета на концерт на Бијонсе во Лас Вегас, каде добила огромно изненадување кое е документирано со видео. Во видеото 32-годишната музичка ѕвезда „долетува“ до Тејлон и двете заедно пеат и танцуваат на „Survivor“.
„Треперев, имав многу трема. Не сакав да останам без зборови затоа што тоа беше мојата желба и сакав да зборувам со неа. Не се плашев да танцувам или да пеам. Таа мириса како бебе – мириса толку убаво на бебешка пудра и рози. На сè што е убаво“ – изјавила возбудената Тејлон.
