Бен Афлек во друштво на своите деца го славеше 4 јули – Денот на независноста на САД.
54-годишниот актер го прослави американскиот празник без сопругата Џенифер Лопез додека сè повеќе се разгоруваат гласините дека тие се разделени и дека повеќе не живеат заедно. И покрај гласините, тие сè уште ги носат своите бурми на рацете.
Афлек беше фотографиран од папараците насмеан и расположен со 18-годишната Вајолет и 15-годишниот Фин, кои ги има од бракот со поранешната сопруга Џенифер Гарнер. Тие заедно имаат уште едно дете, синот Семјуел.
Џенифер пак го одбележа 4 јули во Хемптонс, каде беше фотографирана со својот менаџер Бени Медина. Таа сподели албум со фотографии за да им го честита празникот на сите Американци.
Џенифер и Бен ја обновија врската од пред 20 години и стапија во брак во јули 2022 година. Тие купија заедничка куќа во мај 2023 година, која сега ја продаваат. Според гласините, Бен живее во дом под наем во близина на куќата на поранешната сопруга.
