Софија Вергара секогаш изгледа спектакуларно на церемониите по повод доделувањето на наградите Еми. Годинешното издание на манифестацијата не беше исклучок.
50-годишната ѕвезда од „Modern Family“ блесна во креација во светложолта боја од Laura Basci, која ја искомбинира со обувки од Jimmy Choo. Таа ја додели наградата за Најдобар актер во споредна улога во ТВ серија драма, која му припадна на Метју Мекфејден за улогата во „Succession“.
Популарната Колумбијка не позираше пред фоторепортерите на црвениот тепих, но си направи селфи фотографии кои ги објави на социјалните мрежи.
