Андреа Бочели слави три децении музичка кариера. Оперскиот пејач сега го промовира филмот кој го следи неговиот тридневен концертен настан, одржан во Италија во јули оваа година.
На премиерата на „Andrea Bocelli 30: The Celebration“ во Рим, талентираниот Италијанец ја доби поддршката од своето семејство.
66-годишниот тенор позираше со сопругата Вероника, синовите Матео и Амос и 12-годишната ќерка Вирџинија.
Заедно со нив беше и Софија Карсон, која настапуваше со Бочели на големите концерти. Таа носеше смарагдна креација од Ели Сааб.
