Џенифер Лопез на насловната на People
Популарното списание People го објави своето годишно издание посветено на најубавите славни личности на светот. Оваа година честа да биде на корицата ѝ припадна на латино убавицата Џенифер Лопез.
Не е тешко да се претпостави зошто токму Џеј Ло ја доби посакуваната титула. Таа изгледа прекрасно и ретко кој би кажал дека динамичната Џенифер има 41 година. Во моментов таа има неколку актуелни хитови, меѓу кои и денс хитот „On the Floor“ и е член на жирито на шоуто „American Idol“.
Гламурозната пејачка секогаш изгледа совршено, но признава дека најдобро се чувствува без шминка кога е со своето семејство.
„Тогаш сум најсреќна, затоа што можам да си го допрам лицето, да си ги истријам очите и да ги пикнам прстите во мојата коса без да се грижам дали ќе уништам нешто“ – изјавила Џенифер ексклузивно за People.
На овогодишната листа свое место добија и многу други убавици како Менди Мур, Џесика Симпсон, Рис Витерспун, Џенифер Хадсон, Сандра Булок, Мила Кунис, Џенифер Лоренс, Ева Лонгорија, Џесика Алба, Бијонсе и згодни мажи како Рајан Рејнолдс, Зак Ефрон, Џорџ Клуни, Џон Хем, Мет Дејмонд и многу други.
