Парис Хилтон и Картер Реум со бајковита церемонија и редица прослави го одбележаа влегувањето во брачните води.
Исполнувајќи си ја својата долгогодишна желба, 40-годишната риалити ѕвезда се омажи на имот во Бел Ер кој некогаш бил во сопственост на нејзиниот дедо.
Среќниот младоженец не успеа да ги задржи солзите за време на емотивната венчавка. Ким Петрас ја пееше „Can’t Help Falling in Love“ додека Парис чекореше до олтарот во венчаница изработена специјално за неа од модната куќа Оскар де ла Рента.
За отмената венчаница, таа вели: „Со месеци го дизајниравме мојот фустан до совршенство со неверојатните дизајнери на Оскар де ла Рента – Фернандо Гарсија и Лора Ким. Ми се допаѓа како испадна. Сакав нешто безвременско, елегантно, шик и иконско и сум многу среќна.“
Откако се заколнаа на вечна љубов, младенците со гостите вечераа под голем шатор. Нивниот прв танц беше на песната „Just the Way You Are“ од Бруно Марс, а забавата беше збогатена и со настап на Деми Ловато.
Вториот невестински избор на Парис беше волуменозна венчаница од Галија Лахав.
За забавниот дел од вечерта, невестата носеше кратка венчаница од Оскра де ла Рента, а на крајот блесна и во креација од Памела Роланд.
Меѓу гостите беа Ким Кардашијан, Никол Ричи и Пола Абдул.
Вториот ден беше посветен на луда забава – карневалот наречен „Paris World“.
Говорејќи за почетоците на нејзината врска со Картер, Парис изјави: „Со Картер бевме пријатели повеќе од 15 години. Останавме во контакт низ годините и се поврзавме повторно на собиранка за Денот на благодарноста во 2019 година. Од таа вечер, ја почувствував искрата и остатокот е историја.“
Парот се вери во февруари на зајдисонце на приватен остров.
