Мајката која минатата година ја шокира јавноста кога за седмиот роденден ѝ подари на својата ќерка ваучер за пластична операција за зголемување на градите, повторно предизвика лавина од негативни реакции. Сара Бруџ, која е опседната со пластични операции, за Божиќ ѝ подарила на 7-годишната ќерка ваучер за лупосукција, вреден 8.500 евра.
51-годишната мајка, нарекувана уште и „човечка барбика“, изјавила дека ваучерот е всушност инвестиција во иднината на малата Попи.
Попи го покажува подарокот од мајка си
„Го ставив ваучерот во нејзиниот чорап со подароци, нема ништо лошо во тоа“ – изјавила Сара за списанието Closer.
„Таа постојано прашува за операции. Сака да изгледа добро, а липосукцијата е една од оние операции кои секогаш можат да ви се најдат во животот. Јас гледам на тој ваучер како на инвестиција во нејзината иднина, исто како штедењето за нејзиното образование“ – објаснила Сара.
Контроверзната мајка уште во 2010 година предизвика шок кога призна дека ја учи својата ќерка да танцува на шипка. Минатата година ѝ подари ваучер за зголемување на градите, а Попи може да го искористи откако ќе наполни 16 години.
Самата Сара е опседната со пластични операции. Таа досега има потрошено повеќе од 500.000 евра за да го промени својот изглед преку козметички интервенции.
