Гламурозното шоу на „Victoria’s Secret“ ќе се одржи утре во Њујорк и речиси сè се држи во тајност. Сепак, благодарение на фотографиите на WWD, имаме можност да ѕирнеме дел од костимите со кои ангелите ќе дефилираат на спектакуларната ревија.
Највпечатлив веројатно ќе биде костимот на Алесандра Амбросио кој ќе го вклучува градникот од 2,5 милиони долари.
Градникот од 2,5 милиони долари
Но, од VS подготвуваат и други изненадувања, како блескавиот костим кој ќе ја одбележи нивната 10-годишната соработка со Swarovski Elements. Деликатниот костим, кој вклучува многу кристали и мониста сошиени на мрежа со боја на кожата за да изгледаат како да лебдат во воздухот, ќе го носи манекенката Камерон Расел.
Костимот по повод 10-годишнината со Swarovski Elements
Обувки од Николас Кирквуд со сваровски кристали
Друго парче кое сигурно ќе го привлече вниманието е скапоцена глава од питон, изработена од обоени сваровски кристали и винтиџ скапоцени камења. Клучните елементи на блескавата глава се очи позајмени од препаратор на животни.
На шоуто ќе бидат презентирани вкупно 65 костими и 28 пара ангелски крилја. За музичкиот дел на шоуто ќе се погрижат Ријана која ќе пее за време на сегментот „Dangerous Liaisons“, Џастин Бибер кој ќе ги забавува присутните за време на „Pink is Me“ и Бруно Марс кој ќе настапи за време на сегментот „Calendar Girls“.
