Хајди Клум ја престави својата колекција накит во хотелот „Четири сезони“ во Беверли Хилс. 38-годишната манекенка ја создаде колекцијата „Wildlife“ во соработка со компанијата QVC.
Хајди Клум го презентира својот накит
Накитот е бижутерија и е изработен од блескави камења и метал во различни бои. „Единствената причина да носите бижутерија е да носите нешто големо – нешто што не можете да го направите со вистинскиот накит затоа што ќе биде прескапо. Можам да стигнам до повеќе луѓе со бижутеријата, цените се неверојатни и можам да правам големи парчиња. Многу е позабавно“ – изјави Клум уште кога го најави создавањето на колекцијата.
Ова не е прв обид на Хајди да влезе во бизнисот со накит. Уште во 2006 година таа дизајнираше колекција од сребро, но заработи тужба од Van Cleef and Arpel, бидејќи нејзиниот накит премногу наликуваше на накитот од најпродавана колекција на компанијата, „Алхамбра“. Клум тогаш се спогоди со компанијата надвор од судница и беше принудена да престане со продажбата на колекцијата.
