Наталија Водјанова се врати во одлична форма по раѓањето на своето петто дете.
Познатиот модел и филантроп му посака добредојде на синчето Роман на 5 јуни и по кратко време се врати на модната сцена да си ги исполнува должностите.
На машката ревија на француската модна куќа, која се одржа во рамките на Париската недела на модата, беше презентираната и мала колекција висока мода за жени есен/зима 2016.
Водјанова неретко стои на листите со најплатени модели според Forbes и е основач на фондацијата „Naked Heart“.
Таа има три деца со поранешниот сопруг Џастин Портман, од кого се разведе во 2011 година по десет години брачен живот. Подоцна, Наталија започна да се состанува со Антоан Арно со кого има две деца – 2-годишниот син Максим и новородениот син Роман.
