Невестинските фустани на Вера Ванг се многу популарни кај славните холивудски невести. Името на Вера Ванг во последниве две седмици постојано се споменува во странските медиуми, бидејќи таа ќе ја дизајнира венчаницата на Ким Кардашијан.
Нежните женствени дизајни на 62-годишната модна дизајнерка отсекогаш го привлекувале вниманието на претставничките на понежниот пол, а не се исклучок ниту креациите од нејзината есенска колекција невестински фустани наречена „White“.
„Многу сум возбудена што можам да понудам романтична, класична и разиграна мода за целата свадбена забава“ – изјавила Ванг.
Колекцијата е составена од прекрасни нежни невестински фустани кои се продаваат по цени од 600-1300 долари, фустани за деверуши со цени под 200 долари, како и гламурозни обувки и блескави модни додатоци за коса.
