Едноставна елеганција доминираше на црвениот тепих на синоќешното доделување на SAG наградите.
Долгите вечерни тоалети во бела, црна и темносина боја беа најчест избор на ѕвездите, но не беа изоставени ни фустаните во огнено црвена и силна розова боја. Проѕирните акценти и асиметричните фризури (косата префрлена на едното рамо) се наметнаа како мини-трендови.
Џенифер Лоренс и Марион Котијар не погрешија со изборот на креации од Диор, Никол Кидман носеше романтичен фустан од Вивиен Вествуд, а Ен Хетавеј се појави во фустан на Џамбатиста Вали.
Џесика Частејн покажа дека црвената боја не е „забранета“ за црвенокоси со фустан на Александар МекКвин, додека Клер Дејнс привлече погледи во помрачно издание на Живанши.
Тина Феј му се довери на Оскар де ла Рента, а 52-годишната Џулиен Мур самоуверено позираше во креација на Шанел.
Погледнете го и оценете го изборот на холивудските ѕвезди за манифестацијата која се одржа во Лос Анџелес.
