Ѕвезди од повеќе страни од светот одлетаа во Венеција за да присуствуваат на филмскиот фестивал кој оваа година се одржува по 73-ти пат. Премиерата на „La La Land“ го одбележа првиот ден.
Погледнете како изгледаа славните личности на отворањето:
Ема Стоун
27-годишната актерка на премиерата на својот најнов филм, во кој глуми покрај Рајан Гослинг, блесна во креација од Версаче. Својот стилски избор, Стоун го надополни со сандали од Џими Чу.
Гема Артертон
30-годишната британска актерка зрачеше со елеганција во црн едноставен фустан и блескави обетки.
Бјанка Балти
За свеченоста, 32-годишната Италијанка избра креација од Жан Пол Готје и накит од Шопард.
Барбара Палвин
22-годишната Унгарка мамеше погледи во светла креација од брендот Philosophy.
Ана Сафрончик
Впечатлив жолт фустан од Алберта Ферети беше изборот за свеченоста на 35-годишната италијанска актерка и модел.
Анита Каприоли
Славната Италијанка привлекуваше внимание во црвена креација, која е микс од чипка и плисе.
Соња Бергамаско
Италијанската актерка и на 50 години мамеше погледи во елегантна бежова креација од Армани.
Катерина Шуљга
За манифестацијата, Катерина избра минималистичка црна креација и црвен кармин.
Ела Пернел
19-годишната актерка зачекори на црвениот тепих во комбинезон од Прада.
Франческа Каприани
Каприани не остана незабележана на црвениот тепих. Таа се појави во тесна креација која го разголуваше нејзиното бујно деколте.
Елеонора Кариси
Кариси носеше волуменозен краток фустан од Ashi Studio.
Дамиен Чазел
Режисерот на „La La Land“ со себе ја поведе и својата девојка.
Лола Понсе
39-годишната пејачка и актерка беше облечена во црна проѕирна креација, која ја искомбинира со впечатлив накит.
Нина Хос
Популарната Германка се појави во долг цветен фустан.
