Еден ден откако јавноста одлучи во чии раце ќе завршат трофеите на People’s Choice Awards, на ред дојде гласот на експертите. Синоќа се одржа доделувањето на Critics’ Choice Awards во Санта Моника, Калифорнија.
Бен Афлек беше големиот победник на вечерта. Помалку од 24 часа откако дозна дека не доби номинација за Оскар во категоријата Најдобар режисер, Бен беше прогласен за Најдобар режисер на Critics’ Choice Awards за филмот „Argo“.
„Благодарам многу. Би сакал да ѝ се заблагодарам на Академијата... се шегувам, се шегувам! Оваа награда е важната!“ – изјавил тој по примањето на статуетката.
„Argo“ ја доби и наградата за Најдобар филм. Даниел Деј-Луис беше прогласен за Најдобар актер за улогата во „Lincoln“, а Џесика Частејн доби награда за Најдобра актерка за филмот „Zero Dark Thirty“.
„Skyfall“ беше прогласен за Најдобар акционен филм, Даниел Крег за Најдобар актер во акционен филм, додека Џенифер Лоренс ја доби наградата за Најдобра актерка во акционен филм за улогата во „The Hunger Games“.
Наградата Најдобра комедија ја доби филмот „Silver Linings Playbook“, а Бредли Купер и Џенифер Лоренс за учеството во истиот филм ги добија наградите за Најдобар актер и актерка во комедија.
На Адел ѝ беше доделена наградата за Најдобра песна за „Skyfall“.
Погледнете фотографии од црвениот тепих и оценете го изгледот на славните на свечениот настан.
