Италијанската модна куќа за луксузни обувки Loriblu создаде лимитирана колекција скапоцени сандали од злато, дијаманти, рубини и кристали, наменети за префинетите клиенти.
Дел од ексклузивната колекција се два најекстравагантни модела изработени од змиска кожа и украсени со ремче накитено со дијаманти и рубини. Позитивната страна на обувките е што ремчето може да се извади и да се носи како накит на раката. Најлуксузните виолетови и златни модели чинат по 30.000 евра.
Поевтините модели се изработени со сваровски кристали и чинат над 2.500 евра. Сите обувки се продаваат заедно со црн кожен куфер декориран со кристали.
Богатите „Пепелашки“ кои ќе имаат можност да си купат по еден пар треба многу да внимаваат да не ги изгубат овие елегантни сандали.
