ФОТО: Лејди Гага речиси гола славеше за наградата Модна икона за 2011

Познатите лица од светот на модата вчера пристигнаа во Њујорк за да присуствуваат на доделувањето на наградите на Советот на модни дизајнери на Америка (CFDA). Оваа свеченост се нарекува уште и „модните оскари“, затоа што им се доделуваат награди на најдобрите во модната индустрија.

Пејачката Лејди Гага, којашто поседува стил на облекување кој или го сакате или го мразите, беше прогласена за Модна икона за 2011 година. „Модата направи да се чувствувам како ѕвезда уште пред да станамѕвезда“ – изјави Гага за време на примањето на наградата. Доследна на својот ексцентричен имиџ, таа се појави качена на екстремно високи обувки, со тиркизна перика, остри црвени нокти и проѕирен црн фустан на Тиери Муглер.

Откако на црвениот тепих намерно или ненамерно таа ги покажа своите гради, на забавата организирана по прогласувањето на победниците Гага се појави речиси гола. 25-годишната пејачка само со црни кругови ги покри своите брадавици и со црни танга гаќички ги сокри своите интимни делови пред да им се придружи на префинетите гости.