Чекањето на илјадници модни зависнички заврши. Објавена е возбудливата колекција на Версаче за H&M.
Прекрасната Аби Ли Кершо изгледа неодоливо во креациите на Донатела Версаче кои го отсликуваат досегашниот препознатлив стил на италијанската модна куќа.
„Колекцијата за H&M е суштината на Версаче. За соработката вративме од архивата и од поновите колекции некои од одликите на Версаче, како светлите принтови, грчките мотиви и смелите кроеви. Со нетрпение чекам да видам како широката публика на H&M ќе ги направи овие парчиња свои“ – изјавила Донатела Версаче.
Колекцијата ќе биде лансирана на 17 ноември во 300 продавници низ цел свет. Цените се движат некаде од 17 евра за модни додатоци до 170 евра за кожена јакна.
Скоро сигурно оваа колекција ќе го надмине успехот што претходно го имаа колекциите на Карл Лагерфелд, Стела Мекартни, Џими Чу и Ланвин за шведскиот моден бренд H&M. Ваше мислење?
