Pronovias ги откри новите креации со кои ќе го мами окото на идните невести. Познатиот шпански бренд ја презентираше колекцијата венчаници 2017 на ревија во Барселона.
На модното шоу, главна ѕвезда повторно беше Ирина Шајк. Привлечната Русинка, исто како и минатата година, ја отвори и ја затвори невестинската ревија.
30-годишната девојка на Бредли Купер носеше три венчаници од колекцијата „Le Ciel“.
Луксузни ткаенини, префинета чипка и класични и сексапилни силуети доминираа во колекцијата, која беше претставена пред 2.000 гости.
„Pronovias сега е како дел од моето семејство. Знаете, не ми е првпат да работам со нив и секогаш сум среќна да престојувам во Шпанија. Колекцијата е прекрасна. Многу едноставни фигури, многу нови стилови и силуети, чисти ткаенини што воедно е секси и елегантно. Чувствувам дека секоја невеста на овој свет може да го пронајде совршениот фустан во колекцијата 2017 на Pronovias“ – изјавила Ирина, коментирајќи ја колекцијата и додала дека омилен ѝ бил фустанот со кој ја затвори ревијата.
На ревијата дефилираа повеќе славни манекенки меѓу кои и ангелите Екатерина Григориева и Џак Јагачак.
