Ештон Кучер и Алесандра Амбросио изгледаат атрактивно во актуелната кампања на бразилскиот бренд Colcci. Симпатичниот актер и популарната манекенка на Victoria’s Secret позираат во модни комбинации од колекцијата пролет/лето 2012.
Соработката на Ештон и Алесандра со Colcci не е новост. И минатата сезона тие беа ѕвездите на рекламната кампања, а Алесандра во јануари зачекори на ревијата на познатиот бренд за сезоната есен/зима 2012, иако беше во петтиот месец од бременоста.
Фотографиите се направени пред втората бременост на Алесандра.
Colcci е бразилски моден бренд кој секогаш знае да го привлече вниманието на јавноста на модната недела во Сао Паоло, благодарение на шоуто во кое учествуваат многу славни личности. Пред Алесандра, рекламно лице на брендот беше Жизел Бундхен.
