Луиз Роу, модна стилистка и новинарка и водителка на шоуто „Fashion Star“, сподели кои се трендовите кај фармерките што ќе владеат во топлите пролетни и летни денови.
Фармерки во пастелни бои
Романтичните и женствени пастелни бои ги обоија и фармерките. Овие „сладоледни“ фармерки најдобро е да ги комбинирате со лесна летна кошула со впечатлива јака закопчана до последното копче.
Крпеници
Фармерките со „прилепени“ парчиња џинс со друга нијанса се одлични кога целите кон лежерен, но модерен стил.
Ѕвонарки
Фармерките чии ногавици се проширени под колената се вратија во модните трендови. Доловете го стилот од 70-тите, избирајќи ги ѕвонарките за вашите летни авантури.
Цветен принт
Фармерките со цветен принт се „must-have“ за новата сезона. Најдобро е да ги комбинирате со еднобојна маичка или со кошула во боја која веќе ја има на фармерките.
