Лана Дел Реј е новото заштитно лице на „H&M“. Шведскиот моден бренд до денес мудро молчеше за шпекулациите дека 26-годишната пејачка ќе биде рекламно лице на есенската колекција.
Денес компанијата ја потврди вистинитоста на гласините и беа објавени две фотографии на кои Лана изгледа прекрасно во светлорозова блуза и панталони во ретро стил.
„Баравме стилска икона и пејачка која би била модел за нашата колекција есен/зима 2012-13 и Лана Дел Реј беше совршениот избор. Сметаме дека таа ја покажува нашата есенска колекција на многу инспиративен начин. Темата на кампањата е модерна и женствена жена со нежна поза. Облините и половината се многу важни во есенската силуета“ – изјавила Клое Боуерс, ПР-менаџер на „H&M“.
Лана снимила и краток филм во кој изведува нова верзија на песната „Blue Velvet“. Филмот ќе биде објавен на 19 септември.
