Линда Мартинез го обожава стилот на Меган Маркл и го користи слободното време за да ги пресоздава нејзините модни избори.
Војвотката од Сасекс ѝ се допаднала на 31-годишната Мексиканка уште за време на улогата во серијата „Suits“, а откако ја започнала врската со принцот Хари, Линда можела поблиску да ги набљудува нејзините стајлинзи за да ги копира.
Линда наоѓа евтини алтернативи на облеката носена од Меган, но кога може да си дозволи, ги купува и оригиналните парчиња пред тие да се распродадат.
„Обожавателка на Меган сум поради ‘Suits’, но кога истражував за неа, дознав повеќе за нејзиното семејство и за нејзината работа, како и за сите нешта кои ги има направено за да го добие она што го има и за да стигне онаму каде што е денес. Тогаш започнав да ѝ се восхитувам и да посакувам да бидам како неа. Сакав да бидам човечко суштество како што е таа, бидејќи таа е силна жена со најневеројатен стил“ – објаснила Линда.
Мартинез ги објавува своите верзии на Instagram.
