Доменико Долче и Стефано Габана создадоа интересна рекламна кампања посветена на мајките и семејството. Дизајнерското дуо ги објави промотивните фотографии за колекцијата „Viva la Mamma!“.
Мајки, татковци, баби, дедовци, деца и повремени „минувачи“ како бојаџии, шминкери и фризери застанаа пред објективот на Доменико.
50-годишната Моника Белучи, како долгогодишна муза на Долче и Габана, доби свое место и во оваа кампања.
Колекцијата за сезоната есен/зима 2015-2016 е инспирирана од мајките. Детски цртежи и слогани за љубовта кон мајките прекриваат многу од креациите. Значаен мотив е и црвената роза, но не само затоа што тоа е цвеќето кое се подарува во Италија за Денот на мајките, туку и затоа што омилен спомен од детството на Стефано му е мирисот на роза на црвениот кармин на неговата мајка.
