Лејди Гага е синоним за ексцентризам и екстраваганција, па годинешната тема „Camp: Notes on Fashion“ на балот МЕТ ја поттикна да се покаже во највпечатливо и театрално издание.
Експресивната пејачка и актерка зачекори на свеченоста во моден „арсенал“ со потпис на Брендон Максвел.
Својот моден „стриптиз“ 33-годишната ѕвезда го започна со грациозно позирање во волуменозен фустан во циклама нијанса заедно со неколку танчари.
Во еден момент, Брендон започна да го распетлува фустанот, за оддолу да се појави црна тоалета.
Потоа следуваше соблекување во припиен розов фустан, а на крајот, Гага остана пред фоторепортерите и снимателите во екстравагантна долна облека, качена на нејзините екстремно високи обувки.
Видеа од перформансот на Лејди Гага
