Миранда Кер ужива во шармот и убавините на Париз. Како гостинка на модната недела во Градот на светлината, 33-годишната манекенка се појави во пет стилски изданија во само еден ден.
Убавата Австралијка привлекуваше внимание со темен стајлинг. Таа зачекори низ париските улици облечена од глава до пети во црни креации. Нејзиниот стилски избор се состоеше од кожени панталони со врзување од брендот Unravel, црна маичка, обувки од Gianvito Rossi и впечатливо долго палто.
Вториот стајлинг, вклучуваше виолетов цветен фустан со разголено деколте и висок шлиц од Burberry и црни јакна и чанта од Chanel.
Подоцна, Кер беше фотографирана во бежово-црна модерна комбинација.
На ревијата на Louis Vuitton, поранешниот ангел на Victoria’s Secret се појави во поведра комбинација.
Додека пристигнуваше во француската метропола, таа беше „уловена“ во лежерно издание.
