Робин Лоули, моделот кој го освои модниот свет со своите облини, блесна во нова кампања за костими за капење.
27-годишната девојка ги претстави моделите за сезоната пролет/лето на Simply Be, британски бренд насочен кон жени со позаоблена фигура.
Убавата Австралијка е сè погласна во своите апели дека жените со нејзината големина не треба да бидат нарекувани „plus-size“.
„Деградирачко е. Се чувствувам здраво и нормално во оваа големина“ – вели таа.
Како и најголем дел од тинејџерките и Лоули во младоста се обидувала да ослаби за да се вклопи во стандардите наложени од модната индустрија, но поради градбата на нејзиното тело, тоа било невозможно.
„Тинејџерските години се ужасни за секоја девојка, особено кога се обидуваш да станеш модел. Јас се обидував да ослабам, но наместо тоа станав многу широка. Нема физички начин да бидам манекенка како Карли Клос. Сум ја сретнала, висока е колку мене и има природно тенка фигура. Никогаш не би можела да бидам како неа“ – објаснува таа.
Робин научила да се сака себеси онаква каква што е и без да се изгладнува себеси или да држи строги диети, успеала да се пробие во модниот свет, каде жените со облини добиваат сè повеќе кампањи и се таргет група на сè повеќе брендови.
„Зошто да се изгладнувам себеси, да бидам нездрава и да му нанесувам на моето тело огромна штета само за да се вклопам во нечии идеали? Бев среќна што моделите со облини добија полет во тоа време. Пред десет години, девојките како мене немаа никакви шанси.“
„Односот кон plus-size моделите се менува. Тие стануваат сè попопуларни и се во тренд, но ова е неодамнешно развитие во модната индустрија. Кога јас станав модел, не можев да се соберам во облеката за проба, а работата ја добиваа најслабите девојки. Тие не мораа ни да бидат најфотогенични или најубави, ниту пак да се движат најдобро. Едноставно ќе ги избереа најслабите“ – смета таа.
Целта на Робин сега е да ѝ биде најдобар и најпозитивен пример на ќерка си. „Сакам да чувствува дека може да биде сè што ќе посака. Така ме учеа мене моите родители“ – вели таа.
Видео
Најголема слава Робин стекна откако се појави на насловната страница на италијанското издание на „Vogue“ во 2011 година.
