Смарагдно зелената е прогласена за боја на 2013 година. Богатата ведра нијанса, која потсетува на скапоцениот камен смарагд, ќе ја одбележи следната година.
Анџелина Џоли во смарагдно зелен фустан
Софистицираната и луксузна боја во многу култури и религии се поврзува со убавина и нов живот. Моќниот претставник на семејството зелени нијанси се асоцира и со просперитет, единство, баланс и хармонија.
„Тоа е бојата на растењето, обновувањето, лекувањето, единството и регенерацијата – зборови од кои сите имаме голема потреба во овој момент од историјата“ – изјавила Леатрис Ајсмен, извршен директор во Pantone.
Смарагдно зелена
Бојата на годината која ја одредува Pantone има големо влијание не само во модната и козметичката, туку и во сите други гранки на индустријата.
Годината што привршува ѝ беше посветена на црвено-портокаловата боја. Розово-црвената беше боја на 2011 година, а тиркизната ја одбележа 2010 година.
Колоритната историја
Pantone е една од најголемите компании за производство на бои, а позната е по својот систем за стандардизација на боите.
Ви се допаѓа ли изборот?
