Традиционалната ревија на студентите на Дизајн и инженеринг на облека годинава ни доаѓа како видео презентација.
Под раководство на истакнатата професорка и модна дизајнерка Лидија Георгиева, студентите ја интерпретираа темата „Иднината е одржлива“, со нивните креации изработени од материјали кои можеа да ги најдат во архивата на ТМФ, во плакарите на нивните мајки, со редизајн на плетенините на нивните баби, со рачно фарбање со природни бои, со реупотреба на винтиџ облека и со разни други идеи кои значат нов и одговорен однос кон облеката и дизајнот во иднината.
Дизајните се на студентите од II, III и IV година на Технолошко-металуршкиот факултет во Скопје.
