Вероника Хајлбрунер и Џастин О’Шеј се едни од најчесто фотографираните и највлијателните личности на уличната мода. Секое нивно заедничко појавување е уникатен стилски момент кој заслужува внимание.
За нив е веќе вообичаено постојано да се опкружени со фотографи, а препознатливиот стил го градат со години. Присутни се на секое поголемо модно случување, а и двајцата се и професионално вклучени во светот на модата.
Вероника Хајлбрунер ја започнала својата кариера како модел во Германија, а потоа станала моден уредник на „Harper’s Bazaar“ Германија. Заедно со Јулија Кноле, го основала магазинот „Hey Woman“ лоциран во Берлин. Препознатлива е по природниот изглед, а најчесто ја гледаме во комбинации кои вклучуваат патики и ниски обувки. Љубителка е на интересни дезени, патики на Конверс и кратки фустанчиња.
Џастин О’Шеј ѝ е познат на јавноста како ексцентрична појава на уличната мода. Неговите стилски избори се движат во крајности, од класични одела до костуми во невообичаени бои, од лежерни парчиња до строга елеганција. О’Шеј беше 6 месеци ангажиран како креативен директор на луксузниот италијански бренд Бриони, а потоа лансира и сопствен бренд на машка облека наречен „SSS World Corp“.
Вероника и Џастин имаат мало синче кое се вика Волтер.
